71. TESSERA GLADIATORIA. M. A.N. Nº inventario: 37.810 Bronce Dimensións: Long. 17 cm.; Anch 4,3 cm. Procedencia: Niebla, Huelva Cronoloxía: Siglo I.	CELER. ERBVTI. F(ilius). LIMICVS BOREA.CANTI (filio) BEDONIE (n) SI MVNERIS. TES(s) ERA (m). DEDIT AN(n)O. M (arco). LICINIO. CON (n)S(ule) Interprétase, polo tanto, que Celer, nado en Ginzo de Limia (Ourense), é un organizador de xogos e fixo entrega desta tessera ao gladiador Borea, natural de Baedunia (perto da Bañeza, León ), posiblemente no ano 64 da nosa era.

Procedente do antigo municipio romano de Ilipula conservamos esta placa de bronce de forma rectangular con catro orificios circulares nas esquinas, nos que se insiren argolas da mesma forma. No lado menor esquerdo hai unha argola alongada, decorada con incisións e suxeita á placa mediante un remache, da cal colgaría a tessera. O campo epigráfico desenvolvido en catro liñas, enmárcase cunha sinxela liña incisa que percorre toda a peza. Tanto a lectura como a traducción foron interpretadas de diferentes formas, ofrecemos aquí a que propón o profesor J. González. As letras están punteadas e nelas pode lerse:
Celer, fillo de Erbutio, natural da cidade dos Limicos, deu esta tessera gladiatoria a Borea, fillo de Cantio, natural de Bedunia, o ano do consulado de Marco Licinio.
Non sabemos con exactitude a función da tessera, que debeu estar colgada nalgún muro dunha casa, en sentido vertical ou horizontal como lembranza destes xogos.
 

• Bibliografía:González, J. Corpus de Inscripciones latinas de Andalucía. Huelva. Vol. I, PP. 135- 136, 1989. Hispania Epigraphica 2, 1990. Nº 428. P. 128.